ADSL технологияси асосида интернетга уланиш

Бизнинг компания ADSL технологияси асосида кенг полосали интернетга уланиш хизматларини таклиф этади. Оддий телефон алоқасида телефон линияларининг ўтказиш қобилиятининг атиги юздан бир қисмидан фойдаланилади холос.    ADSL технологияси ушбу камчиликларни бартараф этиб, қолган 99% имкониятдан юқори тезликдаги маълумотлар алмашиш учун фойдаланади. 

Интернетдан фойдаланаётган вақтда телефон линиясининг оддий қўнғироқлар учун бўш бўлиши ва доимий интернетга уланиш имконияти ADSL технологиясидан фойдаланувчиларга қулайлик яратади. ADSL технологияси асосида интернетга уланиш учун ҳар сафар модем пулларига телефон рақамини териш ва уланишни кутиш зарурияти бўлмайди.

Интернетдан фойдаланиш жараёнида одатда фойдаланувчи томонидан қабул қилинган маълумот у томондан жўнатилган маълумотга нисбатан анча кўп бўлади.  Янги ADSL2 технологияси фойдаланувчи йўналиши бўйича секундига 24 Мбит ва фойдаланувчидан чиқувчи йўналиш бўйича секундига 2 Мбит тезлик билан маълумотлар алмашиш имконини беради.

ADSL технологияси афзалликлари:

ADSL технологияси асосида интернетга уланиш бошқа анъанавий усулдаги интернетга уланиш йўлларига нисбатан бир қанча афзалликларга эга:

• Интернетга улаш учун қўшимча телефон линиялари тортиб бориш зарурияти йўқлиги;
• Бир вақтнинг ўзида битта телефон линияси орқали доимий юқори тезликдаги интернетга уланиш ҳамда телефонда сўзлашиш ёки факс қабул қилиш имконияти;
• Бир гурух фойдаланувчиларни интернетга улаш (локал тармоқлар);